autaro Martinez-Inter, janë gjithmonë e më pranë njëri-tjetrit. Sulmuesi argjentinas është grumbulluar nga trajneri Jorge Sampaoli për ndeshjet miqësore që përfaqësuesja e Argjentinës do të zhvillojë në fund të muajit mars e fillim të prrillit, dhe ashtu sikurse ishte deklaruar javë më parë, tani është gati që t’u nënshtrohet vizitave mjekësore me Inter.
Sipas asaj që raporton portali argjentinas ‘RacingDeAlma’, skuadra e Racing nuk mund të evitojë dot transferimin e Lautaro në Itali qershorin e ardhshëm dhe i riu 21-vjeçar do të thërritet të zhvillojë testet me zikaltërit pikërisht gjatë periudhës së tij europiane në prrill. Më pas marrëveshja do të finalizohet për shumën e 35 milionë dollarëve, që ekuivalentohen në rreth 28 milionë euro. Pra, disa hapa përpara: Lautaro Martinez dhe Inter janë gati të përqafohen.
