Ekipi i Partizanit ka filluar përgatitjet për javën anti-Luftëtar. Klevis Dalipi ka kryer seancën e parë stërvitore si trajner i parë
Seanca është zhvilluar në “Qendrën Stërvitore të Ekipeve Kombëtare” në Kamëz në orën 13:00.
Në seancën e sotme me skuadrën është bashkuar edhe sulmuesi Çani i cili ka zhvilluar programin e plotë stërvitor, ndërsa portieri Hoxha edhe pse prezent nuk është përgatitur me grupin sot si pasojë e një dëmtimi të lehtë.
Megjithatë gardiani i kuq nuk rrezikon për sfidën ndaj gjirokastritëve. 
