Nice do të presë PSG në shtëpi në një ndeshje të vlefshme për javën e 30-të të kampionatit francez, e cila do të zhvillohen në orën 13:00. Nuk ka dyshime që Parisi do ta fitojë titullin në këtë sezon dhe e vetmja gjë që ka mbetur për t’u kuptuar është se ku do të ndodhë kjo.
PSG ka ecurinë më të mirë të kampionatit në ndeshjet e luajtura në transfertë me vetëm 2 humbje të pësuara në të gjithë sezonin. Gjithashtu, ata kanë pësuar numrin më të pakët të golave larg shtëpisë së tyre: 10.
Nice, nga ana tjetër, do të paraqitet në këtë sfidë pas dy fitoresh të njëpasnjëshme të marra në Ligue 1 dhe pa asnjë humbje të pësuar në katër ndeshjet e fundit të kampionatit. Objektivi i kuqezinjve është të kapë vendin e pestë që mund t’i sigurojë një vend në Europë, nëse PSG do të fitojë Kupën e Francës.
Për sa i takon përballjeve të drejtpërdrejta, herën e fundit që këto dy skuadra kanë luajtur në fushën e Nice, vendasit kanë fituar me rezultatin 3-1. Vetëm një ndeshje e luajtur mes këtyre dy ekipeve është mbyllur barazim 0-0 që nga 2004-a.
