Liverpool po ndjek me kujdes mesfushorin e Real Madrid, Luka Modric, i cili po e mendon seriozisht rikthimin në Premier League. 32-vjeçari Modric, i cili la Tottenham për të shkuar në Madrid në vitin 2012, ka qenë shumë i suksesshëm me “Los Blancos” duke fituar titullin kampion dhe tre herë trofeun e Champions League.
Modric mbetet një titullar i pazëvendësueshëm te Real dhe ka luajtur 34 ndeshje në këtë sezon. Megjithatë, kroati ka shprehur dëshirën për t’u kthyer në Angli dhe Liverpool është klubi i interesuar për të, edhe pse mund të përballet me një konkurrencë të orëve të fundit.
“Diario Gol” shkruan se Modric ka urdhëruar menaxherin e tij të punojë për rikthimin në Premier League dhe “të kuqtë” e Liverpool kanë pëlqyer këtë variant, sepse Jurgen Klopp ka plane të mëdha me 32-vjeçarit.
Por kohët e fundit ka dalë në skenë dhe mundësia e Arsenal. “Topçinjtë” do t’i jepnin mundësinë të rikthehej në Londër, ku ka jetuar i lumtur kur luajti me Tottenham. Ai do të imitonte Pat Jennings dhe Sol Campbell që shkëlqyer me Tottenham, por më pas vazhduan karrierën te Arsenal.