Europa League” rikthehet sonte për të zhvilluar ndeshjet e para të fazës së 1/8. Në katër sfidat që do të luhen në orën 19:00 spikat Milan-Arsenal, ndeshje e cila pritet të mbërthejë përpara televizionit shumë dashamirës futbolli.
Në “San Siro” do të jenë afërsisht 70 mijë tifoz të cilët do të mundohen t’i japin një shtysë skuadrës së Milan. “Djajtë” që sonte luajnë sfidën e parë në shtëpinë e tyre kanë 13 ndeshje pa humbje, ndërsa për t’u evidentuar janë fitoret së fundmi kundër Lazio-s dhe Roma-s.
Krejt ndryshe është situata te “topçinjtë” të cilët në ndeshjet e fundit kanë regjistruar 4 humbje radhazi në të gjithë kompeticionet. Atmosfera në kampin anglez nuk duket shumë pozitive por Wenger shpreson se kualitet që ka në dispozicion do të bëjnë diferencën.