Kategoria Superiore luajti sot të gjitha ndeshjet e javës së 25-të, dhe pas këtyre takimeve, edhe tabela e klasifikimit pati ndryshime, duke qenë se ekipet gjenden shumë pranë me pikë. Skënderbeu kryeson me 57 pikë, plot 15 më shumë se Kukësi.
Laçi e Luftëtari ishin të fituarit e mëdhenj të kësaj jave, teksa fituan sfidat respektive, por nga ana tjetër u ndalën edhe Kukësi, Flamurtari e Partizani. Teuta nga ana tjetër, nuk shfrytëzoi ndalesën e Vllaznisë, dhe gjithashtu shpërdoroi në sekondat e fundit një 3 pikësh që mund t’i bënte shumë punë në luftën për mbijetesë, duke vazhduar në 4 pikë larg Vllaznisë.
