Sulmuesi i përfaqësueses së Kosovë, Besart Berisha, nuk ka të ndalur me golat e tij në kampionatin australian. 32-vjeçari nga Prishtina, shënoi 3 gola në sfidën e sotme ndaj Central Kost në fitoren 5-2 që skuadra e tij arriti në shtëpi.
George hapi serinë e golave për vendasit në minutën e 15-të, për të vijuar më pas me tripletën e Berishës në minutat 25, 54 dhe 74. Melburn shënoi sërish me Theoharous, duke e çuar rezultatin në 5-0, ndërsa miqtë shënuan 2 herë në fundin e ndeshjes me Pain.
Me fitoren e sotme, skuadra e bomberit shqiptar, u ngjit në vendin e tretë, vend i cili synohet të ruhet deri në fund të sezonit, pasi 2 skuadrat e parë në renditje janë të shkëputura me një diferencë të konsiderueshme pikësh.
