Ivan Rakitic ka thënë se ai do ta thyente edhe një gisht në finalen e së shtunës për Kupën e Mbretit kundër Sevillas vetëm që Barcelona ta fiton këtë trofe
Mesfushori i është nënshtruar një operacioni pasi që pati frakturë në gisht gjatë ndeshjes Roma – Barcelona ku Blaugrana humbi për të mos u kualifikuar në Ligën e Kampionëve.
Tani ai është gati kundër Sevllas në Madrid për vikend ku do të paraqitet në finale.
“Gjëja e parë që i pyeta mjekët ishte se kur do të luaja përsëri. Tani jam kthyer dhe dëshirojë që të bëj një punë të mirë gjatë stërvitjeve”, tha 30 vjeçari për media.
“Me pëlqen të jem me shokët e skuadrës duke e ndihmuar skuadrën time. Nesër do të bëj gjithçka që ta fitojmë këtë trofe, nëse është e nevojshme që unë ta thyej edhe një gisht”, ka thënë Rakitic.
