Teuta do presë sot në shtëpi Kamzën për të luajtur takimin e javës së 31-të të kampionatit në Superligë. Sfidë interesante por dhe mjaf delikate për vetë objektivat që kanë të dyja skuadrat. Kamza në Durrës sot udhëton për të marrë rezultat pozitiv përballë rivalit direkt për mbijetesë.
Nisur nga rëndësia e kësaj sfide, drejtuesit e Kamzës kanë vendosur të shpërblejnë skuadrën në rast se arrijnë të marrin fitore në këtë transfertë. 20 mijë euro për fitoren dhe 10 mijë euro për barazimin.
Kjo është shuma që është premtuar në Kamzës për përballjen me Teutën. Sigurisht që premioja ka gëzuar lojtarët të ciët do shkojnë më të karikuar në Durrës, pasi udhëtojnë për plotësimin e dy objektivave. Fitimin e premios dhe rezultatin pozitiv që mund të shpëtonte skuadrën nga rënia në kategorinë tjetër.
