Cristiano Ronaldo është befasuar edhe vetë nga goli i mahnitshëm me gërshërë që ia shënoi Gianluigi Buffonit në fitoren e thellë 3-0 të Real Madridit kundër Juventusit mbrëmë në çerekfinale të Ligës së Kampionëve.
Mbrëmë shfaqja në Torino ishte e Ronaldo, ku superylli portugez shënoi dy gola për ta frymëzuar fitoren 3-0 në ndeshjen e parë çerekfinale kundër Juventusit, transmeton Gazeta Express.
Ronaldo e hapi llogarinë pas vetëm tre minutave lojë në “Allianz Staidum” por pesë herë fituesi i Topit të Artë më të mirën e tij e ruajti për më vonë.
Në një moment magjie në minutën e 64-të, portugezi shënoi me gërshërë nga 10 metra largësi duke e lënë Buffonin të shtangur.
“Gol madhështor. Çfarë të them, fantastik”, ka thënë Ronaldo për UEFA.
“Nuk prisja të shënoja atë gol”, shtoi ai.
