Trajneri i njohur shqiptar, Besnik Hasi, që prej largimit nga Olimpiakosi, vitin e kaluar, është në kërkim të një klubi të ri. Së fundmi, lajme të reja për Hasin kanë ardhur nga Belgjika. Ekipi i Sint-Truident, e ka futur Hasin në listën e trajnerëve të mundshëm. Lajmi është bërë i ditur nga mediat belge.
“Janë katër emra me të cilët jemi në bisedime. Besnik Hasi, Mircea Rednic, Georges Leekens dhe Yannick Ferreira. Georges Leekens është një emër i vështirë për të arritur një marrëveshje, por gjithsesi do të bisedojmë sërsih”, ka thënë një zyrtar i Sint-Truident për “Nemzetisport.hu”.
Në ditët në vijim pritet të merret vendimi për stolin e Sint-Truident, ndërsa Hasi ka shanse reale.
