Mesfushori i Real Madridit, Luka Modric, ka insistuar se Cristiano Ronaldo dhe Lionel Messi e kanë arritur kulmin e futbollit botëror prandaj edhe janë të pakrahasueshëm.
Duke iu përgjigjur njërit prej debateve më të njohura në botën e sportit, përfaqësuesi kroat pohoi se të dy janë të mëdhenj, por si lojtar i Real Madridit do të votonte për Ronaldon.
“Të dy, Ronaldo dhe Messi janë lojtarë të mëdhenj”, ka thënë Modric për SVT Sport.
“Varet nga shija e njerëzve, kush e pëlqen njërin e kush tjetrin”, shtoi ai.
“Mua s’më pëlqen t’i krahasoj ata, por për ne, si lojtarë të Real Madridit, Cristiano është më i miri”, theksoi ai.
Modric e ka ndarë dhomën e zhveshjes me yllin portugez në gjashtë vitet e fundit, duke i fituar tri trofe të Ligës së Kampionëve me të.
