Tirana është vetëm 45 minuta larg rikthimit në Kategorinë Superiore. Bardheblutë e drejtuar nga Ze Maria po zhvillojnë ndeshjen e radhës me Pogradecin, ekip të cilin e kanë mundur në tre ndeshjet e para të zhvilluara dhe e njëjta gjë po ndodh edhe sot në stadiumin “Selman Stërmasi”. Pjesa e parë e takimit u mbyll me rezultatin e ngushtë 1-0 dhe goli u shënua nga vetë liqenorët në minutën e 29-të të takimit.
Karabeci dhe Hoxhallari rrezikuan që në fillin, ndërkohë që goli i avantazhit e pati pikënisjen nga këmbët e kapitenit të Tiranës, i cili krosoi në zonë dhe Hysenllari në tentativë për ta larguar e dërgoi topin në rrjetën e portës së tij. Miqtë kishin një mundësi shumë të mirë shënimi pesë minuta nga fundi i pjesës së parë, por Shyti i vetëm me portierin Abibi nuk shënoi dot. “Gardiani” i vendasve u pozicionua mirë dhe ruajti avantazhin e siguruar nga skuadra e tij. Skuadrat shkuan në pushim me rezultatin 1-0.
Kategoria e Parë
Tirana-Pogradeci 1-0
Shënues: Hysenllari 29’
Tirana: Abibi, Doka, Turtulli, Cake, Hoxhallari, Maëejje, Karabeci, Daja, Halili, Greca, Mucci. Trajner: Ze Maria
Pogradeci: Mali, Hidri, Jahaj, Shyti, Pura, Licckollari, Hysenllari, Pere, Lame, Alillari, Ccekicci. Trajner: Festim Fetollari
