Në listën e bordit drejtues të Arsenalit janë edhe emrat e Luis Enrique, Diego Simeone dhe Patrick Viera, i cili edhe ka folur në lidhje me lajmet e dala, duke u shprehur se nuk e sheh veten gati, edhe pse kjo e nxit atë të punojë akoma më shumë që të tregojë që edhe si trajner mund të bëjë gjëra të mira. Sa i takon gjermanit, për momentin ai është i fokusuar te puna e tij me “pancerat” për të mbrojtur titullin e kampionit të Botës, së fituar në “Brazil 2014”.
Përfundimi i “Rusi 2018” do të zgjidhte shumë pikëpyetje reth të ardhmen së Low, emri i të cilit u lidh për disa kohë me Bayern Munchen, që së fundmi zgjodhi si pasues të Jupp Heynckes kroatin Niko Kovac. Tekniku aktual i Gjermanisë ka edhe dy vite kontratë me Federatën Gjermane të Futbollit. Ndërkohë duket se edhe kandidatura e Carlo Ancelotti-t po bie poshtë, pasi duket se do të pranojë të drejtoje Italinë, edhe pse është folur shumë se dëshiron shumë të rikthehet në Angli, ku më parë ka drejtuar anglezët e Chelsea. Italianët e tjerë që janë lidhur me Arsenalin janë Allegri dhe Sarri, madje janë parë si emra seriozë për të marrë drejtimin e londinezëve.
