Si një prej lojtarëve më të mirë në qarkullim Karim Benzema ka fituar miliona përgjatë viteve. E duke ditur pasionin e tij për makinat, nuk është aspak çudi që shtëpia e tij të ketë një garazh gjigant. Ylli i Real Madrid ka në pronësi të tij një koleksion makinash që ka vlerë rreth 3 milionë £.
Në listën e makinave të tij përfshihet një Bougatti Veyron tepër e veçantë që kushton 1,5 milionë paund, si dhe një Ferrari 458 Spider që kushton 200 mijë paund dhe shumë makina të tjera, si Mercedes Benz-SLR me vlerë rreth 750 mijë paund dhe një Audi RS6 Avant C7 i dhuruar nga marka gjermane e makinave që sponsorizon lojtarin.
Makina të tjera më modeste janë një Audi Q5, që me siguri e përdor për të bërë blerjet e fundjavës, por edhe një Mercedes-AMG Classe G63.
