Gareth Bale bën prapakthehu.
Sulmuesi uellsian duket se është “lodhur” në kryeqytetin spanjoll, Madrid dhe dëshiron një kthim në Premier League. 28 vjeçari ka hedhur poshtë një kalim te Manchester United këtë verë dhe sipas informacioneve ka njoftuar Realin e Madridit se dëshiron të kthehet tek Tottenham.
Sidoqoftë, për t’u realizuar kjo goditje duhet të bëhet një punë mjaft e madhe, pasi “galaktikët” po kërkojnë të paktën 80 milion euro për yllin e Uells-it dhe “gjelat” që janë të gatshëm të paguajnë jo më shumë se 50 milionë euro.
Megjithatë, një rol të rëndësishëm do ta luaj marrëdhënia e mirë mes dy klubeve që në të shkuarën kanë bërë marrëveshje mjaft interesante.
