Nuk do të jetë Milani skuadra e ardhshme e Walter Sabatini-t. Hipoteza që po qarkullon ditët e fundit të mediat italiane dhe jo vetëm është hedhur poshtë nga vetë 63 vjeçari që për “Sky” ka deklaruar:
“Nuk e kam me nxitim, por dua të filloj përsëri. Unë ndjej një keqardhje të madhe pse jam larguar nga Interi. Pas Interit është e vështirë të mendosh për ndonjë gjë më të mirë.
“Milan? Mos mendo për mua. Këto janë hipoteza që do të duhej t’i kërkonit njerëzit e tjerë në Milano. Ka njerëz që punojnë atje, nuk dua të përfshihem. “-tha Sabatini.
Ish-drejtori sportiv i Romës dhe Inter-it mendohet si zëvendësuesi ideal i Massimiliano Mirabellin që është nën presion tek kuqezijtë, pasi këto të fundit nuk arritën objektivat.
