Loris Karius, portieri i Liverpool, vazhdon të jetë në shënjestër të kritikëve dhe talljeve. Dy gafat e bëra kundër Real Madrid ka shumë mundësi që ta përndjekin lojtarin gjatë gjithë jetës së tij.
Meme, fotomontazhe dhe video komike. Interneti është i mbushur me mesazhe sarkastike kundrejt tij. Gjetja e fundit ka qenë nxjerrja në shitje e dorezave në eBay.
Natyrisht, nuk janë dorezat origjinale, por artikulli ka patur shumë kërkesa dhe mund të blihen për 11.50 sterlina. janë doreza shumë të veçanta, sepse kanë një vrimë në mes.
Aty ku ka kaluar topi i goditur nga Bale për golin e tretë të Real Madrid. Gjendja e artikullit në shitje? Natyrisht, “të përdorura”.
