Nuk është vetëm një kalim nga Suedia te Shqipëria, por tashmë një problem ndërkombëtar! Egzon Binaku vishet kuqezi, ndërsa mediat nordike ‘çmenden’ për këtë ndryshim të kombësisë së 22-vjeçarit që luan në krahun e majtë.

Egzon Binaku po luan sezonin e tij të parë te kampionët në fuqi të Suedisë, Malmo, ndërkohë që ka debutuar në elitën e futbollit suedez në vitin 2015 me Hacken, ekipin nga ku ka dalë si lojtar dhe që ka luajtur për 4 sezone radhazi.

Ndërkohë që ka prezantuar flamurin verdheblu në ekipin U-21. Ai tashmë ka vendosur që të luajë në nivelin e të rriturve, por për fanellën kuqezi, atë të Shqipërisë. Sot ai u prezantua nga trajneri Christian Panuçi për dy ndeshjet miqësore që Shqipëria do të luajë kundër Kosovës dhe Ukrainës më 29 maj dhe 2 qershor.

Mediat suedeze njoftojnë se “Binaku mund të luajë vetëm këto dy teste miqësore me Shqipërinë, të cilat nuk i prishin punë rreth të ardhmes, sepse në Tetor ai mund të zgjedhë sërish të luajë për Suedinë”. Megjithatë, ky opsion mbetet i hapur sipas rregullores së FIFA-s dhe UEFA-s për të zgjedhur ekipin kombëtar, por përderisa Shqipëria i hapi derën, Binaku nuk mund të bëjë bukshkelurin!