Ai ishte një nga figurat më të rëndësishme në historinë e Milanit. Adriano Galliani, ish-drejtori ekzekutiv i kuqezinjve, aktualisht deputet në parlamentin italian në një prononcim për ilmilanista.it ka folur për bisedat që ka shkëmbyer në ëhats app me lojtarët e Milanit, të cilat qarkulluan në media.
“Është e vërtetë, i kam dërguar Sachhit dhe protagonistëve të tjerë foto dhe video të fitores së 1 majit 1988 në shtëpinë e Maradonë në Napoli. Është diçka që e bëj shpesh: për shembull, ditën e djeshme (më 2 maj), Milan në 2004-ën mundi Romën 1-0 me një gol të Shevchenkos të krosuar nga Kaka dhe u kam dërguar videon. Është diçka që e bëj shpesh dhe më pëlqen t’i ndaj të tilla momente me ta”- ka thënë 73-vjeçari.
Milan, për disa vite radhazi vazhdon të mos sigurojë dot një vend në Champins League, për shkak të formës jo të mirë që ka treguar në kampionat. Aktualisht, pak javë pa u mbyllur sezoni, kuqezinjtë e Gattusos pozicionohen në vendin e shtatë me 57 pikë, një më pak se Atalanta e Etrit Berishës. Ndeshjen e radhës do ta luajnë në shtëpi ndaj Veronës në orën 18:00 në “San Siro”. Përsëri, shtatë herë kampionët e UCL do të shpresojnë që të sigurojnë një vend për sezonin që vjen në këtë garën më të madhe mes klubeve në Evropë.
