Të gjithë sytë e botës janë drejtuar në Kiev. Aty ku po luhet finalja e Championist mes Realit të Madridit dhe Liverpulit. Skuadra e Zinedin Zidan, është përballë asaj të Klopit, ku të dy do të kërkojnë triumfin historik.
Përballja e fundit mes këtyre skuadrave daton më 4 nëntor të vitit 2014, ku spanjollët triumfuan me rezultatin 1-0, falë golit të Benzemasë në minutën e 27-të. Liverpuli ka fituar për herë të fundit ndaj Realit në 13 mars të 2009 me rezultatin 4-0. “Galaktikët” do të kërkojnë trofeun e 13-të të Ligës së Kampionëve, ndërsa Liverpuli të 6-tin në histori.