Legjenda e Chelsea, Frank Lampard është skeptik për arritjen në finale sivjet të Real Madrid.
Lampard duke folur për kalimin në finale të Los Blancos, për të tretin vit me radhë, ka thënë se sivjet Real Madrid nuk bindi që ka shkuar me meritë në finale të Kijevës.
“Ky nuk është Real Madridi që jemi mësuar ta shohim në Ligën e Kampionëve. Ata kanë pasur jashtëzakonisht fat sivjet që janë në Ligën e kampionëve”, ka thënë Lampard.
Ndryshe Real Madrid ka eliminuar skuadra të njohura dhe cilësore sivjet në Ligën e Kampionëve.
S’pari eliminoi kampionin e tanishëm të Francës, Paris Saint Germain mandej Juventusin me një penallti kontraverse në fund.
Krejt në fund ata eliminuan edhe Bayernin, e cila ndeshje po ashtu kaloi me shumë kritika tek arbitri kryesorë që nuk ndaloi dy penallti për gjermanët, të cilat janë duke i komentuar me të madhe nëpër rrjetet sociale.
