Një mini-kampionat botëror është ideja më e re e Gianni Infantinos, presidentit të FIFA-s. Pasi UEFA krijoi Nations League, edhe FIFA po kërkon të sjellë një tjetër kompeticion, që për nga formati, mund të rezultojë spektakolar.
Ideja e Infantinos është që në këtë mini-botëror të marrin pjesë 8 skuadra nga e gjithë bota dhe të zhvillohet në periudhën Tetor-Nëntor, në çdo dy vite.
Mediat italiane raportojnë se tashmë është gjetur një grup investitorësh, që janë të gatshëm të paguajnë 25 miliardë dollarë, për të blerë të drejtat e këtij kompeticioni, për 12 vite.
