Fitoren e Bayern Munich ndaj Koln me rezultat 3-1 është transmetuar në mbarë botë, edhe në Iran. Televizioni shtetëror i këtij vendi, kishte probleme të mëdha me gjyqtaren e këtij takimi Bibiana Steinhaus.
Sa herë kamera fokusonte nga afër gjyqtaren, iranianët merrnin pamje të tifozëve. Këtë e ka treguar me një ‘cicërim’ në ‘Twitter’, gazetarja Natalie Amiri.
“Ishte një ndeshje e çuditshme me mjeshtërit e censurës në Iran. Kjo pasi ndeshjen mes Bayern e Koln e gjykonte një femër me emrin Bibiana. Sa herë ajo shfaqej ajo nga afër, pamjet tregonin tifozët, ndërsa ajo shihej vetëm nga lartë”, ka shkrua ajo.
Bibiana bëri debutimin e saj në Bundesligën e femrave në 1999. Ajo në Bundesliga 2 ka mbi 80 ndeshje, ndërsa këtë sezon ka debutuar në Bundesligë ku ka gjykuar tetë ndeshje.
