Mërgim Mavraj ka kaluar një sezon të vështirë në rradhët e Hamburg. Mbrojtësi përveç se ka vuajtur në fushë rezultatet zhgënjyese të ekipit që përveç se rrezikon më shumë se asnjëherë tjetër rënien nga Bundesliga, në pjesën e dytë të sezonit është përjashtuar nga ekipi. Trajneri Titz e ka konsideruar nën nivel dhe e ka lënë 31-vjeçarin të stërvitet me ekipin e të rinjve.
Ky veprim duket se shënjon edhe largimin e Mavraj nga ekipi gjerman. Por pavarësisht situatës që ka kaluar, interesi për të është i madh. Klubi që duket se po këmbëngul më tepër për shërbimet e Mavraj është Fenerbahce. Skuadra e njohur turke sheh te mbrojtësi një përforcim cilësor për sezonin që vjen. Për Mavraj ka interes edhe nga Bundesliga 2, por dëshira e tij është që të luajë në një ligë të rëndësishme europiane.
