AC Milan vazhdon të ndjekë mesfushorin e Man United Marouanne Fellaini, kontrata e të cilit përfundon në qershor.
Gjithsesi, mesa duket negociatat kanë ngecur.
Kjo është për shkak të pretendimeve financiare që i janë paraqitur klubit italian. Felliani kërkon një rrogë të lartë pasi mund të jetë kontrata e fundit që mund të firmosë përpara se të jetë tepër vonë.
Ai ka kërkuar plot 7 milionë euro në vit, plus disa bonuse, si dhe komision për agjentin e tij.
Si pasojë interesi i Milan është zbutur, pasi do t’i kushtonte shumë. Për më tepër, 30-vjeçari Fellaini do të ishte i pamundur për t’u shitur nëse nuk do të përshtatej në Serie A.
Gjithsesi, belgu do të ulë pritshmëritë e tij nëse kërkon të luajë titullar në një klub të madh vitin tjetër.
