Parashikohet një rikthim në Itali për Cesare Prandellin. Ish trajneri i kombëtares italiane, pëlqehet shumë nga presidenti i Udineses Gino Pozzo dhe e ardhmja e Prandellit mund të jetë te skuadra friulane.
Edhe pse arriti të siguronte mbijetesën kroati Igor Tudor nuk do të konfirmohet nga numri 1 i Udineses i cili shikon te Prandelli njeriun ideal për t’i besuar stolin e skuadrës.
Prandelli më parë ka drejtuar Fiorentinën duke arritur rezultate te kënaqshme dhe duke bërë mirë edhe në kupat e europës me skuadrën “vjollcë”.
