Inter po programon të ardhmen dhe, pas një takimi të zhvilluar mes trajnerit Spalletti dhe drejtuesve, është mësuar se tekniku zikaltër këkon një “Salah të ri” për sulmin e tij.
Një kërkesë aspak e lehhtët për t’u plotësuar, por që duket se nuk e ka ndalur klubin të bëjë një listë emrash të mundshëm që i afrohen egjiptianit. I pari, sipas “Tuttosport”, është Riyad Mahrez, ylli i Leicester, i cili ka qenë shumë afër Roma-s verën e kaluar.
Pëlqehet nga shumë klube (Manchester City) dhe çmimi është në rritje. Ashtu siç është edhe vlerësimi i yllit të PSG, Angel Di Maria, i cili pritet t’i thotë lamtumirë Parisit.
Emrat më të mundshëm janë Florian Thauvin, sulmues krahu i Marseille, që nuk ka arritur të kualifikohet në Champions League. Pëlqehet edhe Marlos, kontrata e të cilit me Shakhtar skadon në 2019-ën. Nuk është më i ri por ka një pasaportë komunitare dhe, me përjashtim të rrogës, nuk kushton shumë.
Në fund, janë emrat italiane, si Federico Chiesa dhe Simone Verdi. Dy lojtarë me karakteristika të ndryshme, por që pëlqehen nga Spalletti. Fiorentina kërkon shumë për Chiesa-n, ndërsa Verdi është më i arritshëm. Më larg janë dy fantazistët e Sassuolo-s, Politano dhe Berardi. Pëlqehen, por nuk konsideron zgjedhje të para.
