Kombëtarja shqiptare U-19 nuk fal as në testin e dytë miqësor përballë Kosovës.
Në takimin e luajtur në “Loro Boriçi” djemtë e drejtuar nga Erjon Bogdani fituan me rezultatin 2-1, një “deja-vu” e shifrave të regjistruara pak ditë më parë. Serinë e golave e hapi, heroi i takimit në “Elbasan Arena”, Patrick Pasha që realizoi 6-të minuta përpara se skuadrat t’i drejtoheshin dhomave të zhveshjeve.
Reagimi i miqve nga Kosova erdhi në minutën e 10-të të pjesës së dytë, me Limani që barazoi gjithçka. Goli i fitores u shënua vetë në fund, me Nezha që në minutën e 79-të nga pika e bardhë e penalltisë, kaloi përsëri në avantazh skuadrën e Bogdanit, duke sigluar rezultatin në 2-1.
