Tottenham kërkon me çdo kusht të rekrutojë një tjetër sulmues specialist për të konkurruar me Harry Kane pas blerjeve të pasuksesshme të Vincent Janssen dhe Fernando Llorente në dy verat e kaluara.

Spurs duan të shesin Llorente dhe Janssen, por Pochettino kërkon një sulmues që do ta ketë suksesin e garantuar në White Hart Lane.

Dhe mesa duket trajneri argjentinas ka zgjedhur një sulmues që mund të luajë në krahë ose si nr. 10 dhe objektivi kryesor i klubit është Anthony Martial i Manchester United.

Tottenham shfaqi interes për lojtarin e lënë jashtë Kupës së Botës edhe në vitin 2015, përpara se ai të pranonte ofertën e United.

Londinezët shpreson që United, që interesohet për qendërmbrojtësin Toby Alderweireld, të jenë të hapur për të negociuar një marrëveshje shkëmbimi. Nëse Tottenham do të arrinte të merrte shërbimet e Martial, ai do të ishte në gjendje të konkurronte si dhe të dublonte sulmuesin kryesor Harry Kane.