Kur thuhet se futbolli shqiptar ka 100 halle, është plotësisht e vërtetë.
Çudia e radhës vjen sot pas ndeshjes Lushnja-Skënderbeu e cila përfundoi me rezultatin 2-4 për korçarët.
Sulmuesi i Skënderbeut, Ali Sowe realizoi 3 gola në këtë sfidë duke qenë absoltisht lojtari më i mirë i ndeshjes.
Pasi përfundoi sfida ai ka kërkuar topin e ndeshjes për ta marrë me vete ta kishte kujtim, por është përplasur me drejtuesit e Lushnjes.
Këta të fundit nuk e kanë lejuar, duke thënë se i kanë topat me numër të caktuar.
Në një situatë të tillë është dashur ndërhyrja e drejtuesve të Skënderbeut. Ata i dhanë Lushnjës një nga topat e tyre, që Sowe të merrte topin e ndeshjes.
