Me merkaton që pritet të nisë, Mino Raiola do të ketë edhe shqetësime jashtë sferës ku ushtron zanatin e tij. Në fakt, sipas asaj që bëjnë të ditur mediat italiane, prokuroria e federatës ka hapur një hetim për menaxherin e fuqishëm. Objekt i akuzës janë shkeljet e përsëritura të tij të kodit sportiv.
Raiola shpesh ka përdorur tone dhe fjalor të papranueshëm drejtuar sportit italian. Përveç këtij aspekti, bëhet e ditur se njëkohësisht Zyra e Tatimeve holandeze do të hetojë edhe vendbanimin e menaxherit në trevjeçarin 2014-2017, çështje për të cilën ka kërkuar nga Policia Financiare Italiane taksat e paguara nga Raiola në tri vitet e sipërpërmendura.
