Finalja e “Champion League” mund të zhvendoset në Amerikë ose Lindjen e Mesme pasi UEFA beson që vetëm pak vende në Europë kanë kapacitetin për të pritur një finale kaq të rëndësishme pa hasur në probleme që Kievi i vuajti këtë vit!
Por ideja nuk u prit aq mirë nga fansat dhe plani mbeti në letër, megjithëse tashmë, shumë ndeshje parasezonale zhvillohen në vende të ndryshme çdo vit !
Po si do të reagonin fansat nga Europa nëse do t’iu duhej të udhëtonin në New York, Miami apo Doha për një finale të “Champios League”? Epo, kjo është e ardhmja sipas “New York Times”.
Herë çmimet e udhëtimit e here inflacioni në çmimet e akomodimit kanë goditur finalen e këtij viti në Kiev mes Real Madrid dhe Liverpool, me të dyja tifozëritë që kane hasur vështirësi.
Sipas “New York Times” disa hotele kanë anuluar rezervimet e mëparshme, vetëm që të bëjnë rezervime të reja me pesëfishin e çmimit.
Për finalen e 2019 Madridi mposhti Baku-n, por kryeqyteti Spanjoll mbetet një nga të paktit me mundësi akomodimi të mjaftueshme së bashku me Parisin Londrën dhe Barcelonen, për të pritur një event të tillë, përmasat e të cilit rriten vit pas viti.
Koha mund të jetë problem, sidomos në Lindjen e Largët apo pjesën Perëndimore të Amerikes, por duke qenë se tifozët po shpenzojnë kaq shumë kohë dhe para për të shkuar në Kiev atëherë me siguri New York-u, përveç kohës dhe shpenzimeve nuk do paraqiste vështirësi të tjera.