Zlatan Ibrahimovic e ka pranuar se i mungon Manchester Unitedi dhe ish-trajneri, Jose Mourinho.
Në një video emocionale të postuar në faqen zyrtare të Unitedit në Twitter, sulmues suedez iu adresua klubit të tij të vjetër, i cili ishte mbledhur për ndarjen e çmimeve të fund sezonit të martën mbrëma.
“Dua t’iu them të gjithë tifozëve: Më mungoni, më mungon të luaj në Old Trafford dhe t’i shoh të gjitha maicat e bardha. Kam kujtime të mëdha nga atje”, tha Ibra.
Ai nuk e harroi as trajnerin portugez, Jose Mourinhon.
“Trajner [Jose Mourinho], edhe ti më mungon. Ti e di çfarë duhet të bësh për të fituar. Nuk ka fshehtësi pas saj”, shtoi ai.
Muaji e kaluar, Ibrahimovic e shkëputi kontratën me Manchester Unitedin, e cila do t’i përfundonte në fund të këtij sezoni gjithsesi, dhe iu bashkua LA Galaxy në MLS të SHBA-së.
When Zlatan talks, you listen.
🔊 Turn your volume up and hear this special #MUFCPOTY message from @Ibra_official! pic.twitter.com/e3Z2B4YXF7
— Manchester United (@ManUtd) May 1, 2018
