Kupën e Zvicrës për këtë sezon e ka fituar Zurichu, që në ndeshjen finalen ka mundur Young Boysin me rezultat 2:1.
Për Zurichun kanë shënuar Frey (11’) Marchesano (74’) dhe për Young Boysin realizoi Sulejmani (80’).
Në skuadrën e Zurichut aktivizohen dy futbollistët shqiptarë, Mirlind Kryeziu dhe Toni Domgjoni.
Kryeziu e Domgjoni luajtën titullarë për Zurichun, kurse Domgjoni u zëvendësua në minutën e 46-të. Kryeziu në çastet e fundit u ndëshkua me karton të verdhë.
Këto dy skuadra do të ndeshen edhe në Superkupën e Zvicrës, pasi Young Boys është kampion, derisa Zurich si fitues i Kupës.
