Portieri i Roma-s dhe Brazilit Alisson Becker ka zgjedhur ekipin e ëndrrave ku përfshihen edhe Paolo Maldini, Pirlo dhe Totti.
Gardiani ka dhënë 11-shen ideale për Roma TV dhe ka zbuluar admirimin e tij për futbollin italian.
Mbrojtës si Maldini dhe Cannavaro ishin pjesë e formacionit, ashtu si Andrea Pirlo apo ish-shoku i ekipit te Roma, Francesco Totti.
Shumica e të tjerëve ishin lojtarë që kanë luajtur në Serie A gjatë karrierës së tyre, si ish-portieri i Parma-s Taffarel, mbrojtësi i Roma dhe Milan Cafu dhe ish-lojtari i Inter, Roberto Carlos.
Pjesë e formacionit ishin edhe Zinedine Zidane që ka luajtur tek Juventus dhe Fenomeni Ronaldo që ka veshur fanellën Zikaltër.
Vetëm Lionel Messi dhe Neymar janë të vetmit lojtarë që janë pjesë e formacionit të tij dhe që nuk kanë luajtur në kampionatin italian.
Ekipi i ëndrrave të Alisson: Taffarel; Cafu, Maldini, Cannavaro, Roberto Carlos; Pirlo, Totti, Zidane; Messi, Ronaldo, Neymar.
