Lojtari me origjinë shqiptare, Adnan Januzaj, shënoi dje një gol mjaft të bukur në përballjen Belgjikë-Angli në Kupën e Botës, dukë u dhënë belgëve vendin e parë në grup.
Në lidhje me golin e mesfushorit ka reaguar dhe ambasadori i Britanisë së Madhe në Kosovë, Ruairi O’Conell, i cili i ka kushtuar një status lojtarit të Belgjikës.
Ruairi O’Conell duket se është duke e ndjekur nga afër Botërorin, sidomos lojtarët kosovarë që luajnë nëpër Kombëtare që marrin pjesë në këtë Botëror.
Por, ndryshe nga gëzimi i tij kur shënuan Xhaka, Shaqiri dhe Xhemajli, për Januzajn ai ka një mendim tjetër.
“Zakonisht gëzohem kur shënojnë Kosovarët . . . veç sonte më pak”, ka shkruar Ruairi O’Conell në statusin e tij të fundit për Januzajn.