Përfaqësuesja e Zvicrës është një nga përfaqësueset me më së shumti futbollistë që kanë prejardhje të huaj. Trajneri Vladimir Petkoviç zbuloi listën me 23 lojtarë për Kampionatin Botëror, ku do të ketë gjashtë ndryshime nga Kampionati Evropian 2016, shkruan “Swissinfo.ch”.
Dhjetë futbollistë vijnë nga Bundesliga gjermane dhe pesë nga Serie A, kurse vetëm mbrojtësi Majkël Lang i Bazelit, luan në Zvicër. Futbollisti më i ri është 21-vjeçari Bril Embolo, kurse më i vjetri është 34-vjeçari Lishtajner, i cili ka luajtur 99 ndeshje për Zvicrën.
Valon Behrami do të bëhet futbollisti i parë që përfaqëson Zvicrën në katër Kampionate Botërore. 33-vjeçari bëri një rekord të padëshiruar më 2010, kur u bë futbollisti i parë zviceran që ndëshkohet me karton të kuq. Ai gjithashtu ka marrë pjesë në dy Kampionate Evropiane.
Ashtu si në turnetë e mëparshëm shumë nga lojtarët kanë prejardhje të huaj. Nga 12 mesfushorët e zgjedhur, dhjetë prej tyre kanë lindur jashtë vendit ose kanë prindër që kanë emigruar në Zvicër.
Sipas grafikës së paraqitur nga “swissinfo.ch”, 13 % kanë rrënjë shqiptare dhe 4 % shqiptarë nga Kosova, që do të thotë se 17 % janë shqiptarë. Valon Behrami dhe Xherdan Shaqiri kanë lindur në Kosovë për të emigruar në Zvicër, Granit Xhaka ka lindur në Zvicër, derisa Blerim Xhemaili ka lindur në Tetovë për të shkuar në Zvicër.
37 % të ekipit janë zviceranë, 13 % nga Kameruni dhe 9 % nga Bosnja.
CIES Football Observatoryexternal me seli në Neuchâtel ka analizuar edhe ekipet e kualifikuara në Kupën e Botës, duke sjellë analizën statistikore të futbollit.
Mosha mesatare e skuadrës së Zvicrës në kualifikuese ishte 26.6. Më i vjetri ishte ekipi i Panamasë (29.4), Nigeria më e re (24.9), dhe mesatarja ishte 27.4.
Ekipi i Zvicrës është mesatarisht i gjatë 183.5 cm. Skuadra më e lartë ishte Serbia (185.6 cm), më e vogla Arabia Saudite (176.2 cm) dhe mesatarja ishte 181.7 cm.
breel-embolo-switzerland-portugal-world-cup-qualifying-goal-celeb_3780832
31 % të ekipit ka lindur jashtë Zvicrës, shumica me rrënjë ballkanike. Disa ekipe nuk kishin lojtarë të lindur jashtë vendit, kurse 61.5% e skuadrës marokene kishin lindur jashtë vendit. Mesatarja ishte 9.1%.
89.7% të futbollistëve kanë luajtur jashtë kampionatit vendas, derisa futbollistët e Anglisë dhe Arabisë Saudite janë 100 % vendas.
