Ylli i ri i Meksikës Hirving Chucky Lozano me golin ndaj Gjermanisë në Kupën e Botës ka tërhequr vëmendjen e shumë klubeve europiane.
Pas Liverpool, tani mesa duket edhe Barcelona interesohet për 22-vjeçarin që aktualisht luan në Holandë te PSV Eindhoven.
“Ka pasur interes, por asgjë nuk është konkrete për momentin. Do të vendosim pas Kupës së Botës, se ç’do të ndodhë me të”,- thotë babai i lojtarit për ESPN.
Kontrata e Lozano-s te PSV zgjatë deri më 2023. Gjatë sezonit të kaluar ai ka shënuar 17 gola dhe 11 asiste për kampionët e PSV në 29 ndeshje.
Ai mund të jetë i lirë të largohet nëse dikush vjen dhe i jep 50 milionë euro klubit holandez.
