Presidenti i Lazio-s Claudio Lotito ka paralajmëruar të interesuarit të qëndrojnë larg Sergej Milinkovic-Savic.
Mesfushori ka përjetuar një sezon fantastik me të kaltrit, dhe gjithashtu ka impresionuar në ndeshjen e parë të Serbisë ndaj Kosta Rikës në Kupën e Botës ditën e diel.
“E kuptoj të gjithë interesin, pasi ai është shumë i mirë,” shprehet Lotito për Radiosei.
“Gjithsesi, askush prej nesh, sidomos unë, nuk e kemi nxjerrë në shitje.”
Juventus, Manchester United, Real Madrid dhe Barcelona mendohet të jenë interesuar për të, me Lazio që pretendon të paktën 100 milionë euro për të.
