Egjipti është një nga kombëtaret që do përfaqësojë kontinentin e Afrikës në Botërorin që do zhvillohet në Rusi. ‘Faraonet’ janë pikërisht në një grup me të zotët e shtëpisë, Arabinë Saudite dhe Uruguajin. Ndoshta askush nuk pret gjëra të mëdha nga ata në Rusi, por mundësitë për të kaluar grupin ekzistojnë.
Por egjiptianët mund të krenohen në Botëror. Kjo pasi portieri i tyre titullar si edhe kapiteni i skuadrës, Essam El Hadary do bëhet futbollisti më i vjetër që do luajë në një Botëror. Ai do jetë 45 vjeç kur të zbresë në fushë në ndeshjen e parë kundër Uruguajit dhe ky do jetë një rekord për këtë kompeticion që vështirë se mund të thyhet ndonjëherë.
