Ergys Kaçe mund të mos ketë bërë sezonin futbollistik që do të donte, por është i lumtur. Këtë nuk ia mundëson vetëm futbolli, që veçse profesion është edhe një pasion për korçarin e formuar si futbollist te skuadra greke e PAOK. Jemi në verë, ta lëmë pak futbollin. Koha për t’u martuar, por jo për Kaçen. Dje ai ka qenë i ftuar dhe shkëlqente. I veshur siç ka hije, por nurin më së shumti ia shton Maria, bashkëshortja.
Fotot në rrjetet sociale nuk mungojnë dhe ka një detaj që nuk shpëton kollaj: çifti Kaçe presin një fëmijë. Maria është shtatzënë për të dytën herë, pasi më parë ka lindur një vajzë. Nga madhësia e barkut duket se do të lindë shpejt. Djalë apo vajzë, nuk e dimë, por sigurisht që Ergysi po e pret me padurim ta mbajë në krahë. Deri atëherë, pastë momente sa më të bukura mes çiftit, si ky në foton që kanë postuar. Duket qartë, janë shumë të dashuruar!