Tirana është në prag të një tjetër transferimi të rëndësishëm. Pas blerjes së sulmuesit maqedonas Dejan Blazevski, bardheblutë duket se kanë një emër që do të mbulojë krahun e majtë mesfushës. Bëhet fjalë për futbollistin e Kukësit Eni Imami.
25-vjeçari ka hyrë në negociata me 24-herë kampionët e Shqipërisë dhe është gati të firmosë si futbollisti i dytë bardheblu i Tiranës. Nuk ka një shifër zyrtare për fitimet e Imamit, por përshtatja e tij në qendër dhe krahun e majtë të mesfushës i jep frymëmarrje teknikut Ze Maria.
Ndërkohë presidenti Refik Halili dhe stafi teknik po angazhohet dhe për plotësimin “Tiranës 2”, plotësimit me rezervat, që deri tani janë një problem më vete te bardheblutë.
