David de Gea ishte protagonist i keq në debutimin e Spanjës në Kupën e Botës së Rusisë, në ndeshjen kundër Portugalisë. Portieri i Manchester United bëri një gabim serioz në goditjen pa shumë pretendime të Cristiano Ronaldos, në fund të pjesës së parë, teksa nuk u tregua i përqendruar dhe nuk ishte në gjendje të ndalonte atë top, që përfundoi në rrjetë.
Megjithatë, Gabimi i De Gea nuk është i pari dhe as më seriozi në historinë e Kupave të Botës. Këtu janë disa shembuj:
1. Robert Green (Angli-SHBA)
Pikërisht në debutimin e Kupës Botërore në Afrikën e Jugut, Robert Green do të bënte një gabim, që do ta dënonte atë me zëvendësim në atë pjesë që mbeti në kampionat. Anglia ishte në epërsi dhe portieri britanik nuk ishte në gjendje të ndalonte një gjuajtje të largët dhe të lehtë të Dempsey, gjë që do të thoshte barazim.
2. Oliver Kahn (Brazil-Gjermani)
Askush nuk do t’i harrojë finalet e Kupës Botërore të Koresë dhe Japonisë, aq më pak Oliver Kahn. Portieri legjendar gjerman, që konsiderohet si një ndër më të mirët në histori, dështoi keq në golin e parë të Brazilit. Rivaldo gjuajti dhe Kahn nuk ishte në gjendje të rrëmbente topin, duke rënë në rimëkëmbje ndaj Ronaldos, i cili shënoi njërin nga dy golat e Brazilit, i cili përfundoi si kampion.
3. David Seaman (Angli-Brazil)
Disa do të argumentojnë se ishte një gol i madh nga Ronaldinho, por e vërteta është se David Seaman mund të bënte më shumë në një nga momentet më pikante të Kupës Botërore në Kore dhe Japoni. Futbollisti, i cili nuk ishte ende në ndonjë klub, gjuajti një faull të largët me gjithë qëllimin për të mashtruar portierin britanik. Natyrisht, mënyra e keqe e pozicionimit i kushtoi atij, teksa nuk mundi ta arrinte topin dhe Anglia ra në çerekfinale.
4. Andoni Zubizarreta (Nigeria-Spanjë)
Ashtu si De Gea, Zubizarreta dështoi në premierën botërore. Ishte kundër Nigerisë dhe u bë kujtesa më e hidhur e portierit spanjoll. Lawal, i cili kaloi përpara, për të kërkuar një partner, goditi ne vijën fundore, paralele me Zubizarreta që, shumë i pavvendosur, nuk ishte në gjendje ta mbante topin dhe ta evitonte golin në portën e tij.
5. Nery Pumpido (Argjentinë-Kamerun)
Ai ishte një nga emrat e Kupës së Botës 1990. Në hapje të Kupës së Botës, Argjentina ra me minimumin e papritur kundër Kamerunit, për shkak të një gabimi të kobshëm nga portieri Albiceleste, i cili nuk ishte në gjendje për të trajtuar një goditje të dobët me kokë nga François Omam-Biyik. Gjëja më kurioze ishte se, në takimin e ardhshëm, Pumpido theu këmbën dhe vendin e tij e zuri Goycochea, i cili me performancat e tij e udhëhoqi Argjentinën deri në finale.
