Laçi ishte një nga ekipet simpatike të sezonit që sapo u mbyll. Kurbinasit e mbyllën në vendin e 4-ët duke marrë edhe një kualifikim në Europa League. Por disa prej protagonistëve të bardhezinjve janë larguar duke bërë që drejtuesit të mendojnë për zëvendësimin dhe përforcimin e skuadrës me elementë të tjerë cilësor.
Duket se filozofia e drejtuesve të Laçit nuk do ndryshojë pasi merkato do bazohet te afrimi i lojtarëve vendas dhe të talentuar. Gjithashtu nuk përjashtohen as afrimet e eksperiencës në Superligë që do shtonin cilësinë në grupin e kurbinasve.
