Pas vetëm 15 minutash lojë Maroku ka shtangur Spanjën dhe gjithë botën, duke kaluar në avantazh ndaj iberikëve. Skuadra afrikane tashmë e eliminuar ka shënuar golin e parë në këtë Botëror, pikërisht ndaj fqinjëve që kanë përballë në anën tjetër të ngushticës së Gjibraltarit.
Një gabim i Iniestës gjeti të papërgatitur mbrojtjen spanjolle që ishte hedhur në sulm dhe Khalid Boutaib u gjend i vetëm përballë De Geas duke mos gabuar.
Por pesë minuta më vonë, Iniesta e shleu menjëherë gabimin pasi ishte ideator i aksionit që solli golin e barazimit. Legjenda e Barcelonës depërtoi bukur në të majtë dhe pasoi saktë për Iscon që nuk gaboi nga pranë portës.