Napoli raportohet të ketë arritur marrëveshjen me vlerë 25 mln euro me Bologna për sulmuesin Simone Verdi. Sipas faqes së Gianluca Di Marzio, Napoli ka marrë dritë jeshile për Verdi-n këtë herë, pasi nuk arriti të kompletonte marrëveshjen gjatë janarit.
Akordi erdhi për shkak të pasigurisë së Inter, pozicionit të mirë të Bolgona-s dhe marrëdhënies së mirë mes dy klubeve. Gjithsesi, 26-vjeçari nuk do të japë asnjë përgjigje përfundimtare pa u kthyer nga grumbullimi me kombëtaren italiane javën tjetër.
Verdi ka qenë një nga dy lojtarët e vetëm që arriti shifra të dyfishta si në golat e shënuar ashtu edhe në asiste sezonin e kaluar.
