Sulmuesi Shend Kelmendi nuk do të jetë më pjesë e Skënderbeut. Sipas “Gazeta Olle”, futbollisti kosovar ka arritur akordin me Llapin dhe do të jetë pjesë e skuadrës që drejtohet nga tekniku Bylbyl Sokoli.
Kelmendi sezonin e shkuar ishte i huazuar te skuadra e Trepça 89’, ndërsa tani do të vazhdojë karrierën tek Llapi. 23-vjeçari arriti të zhvillonte vetëm një ndeshje me fanellën bardhekuqe, por pa arritur të lërë gjurmë. Një tjetër largim nga skuadra korçare, pas vendimit të KAS-it.
