Nga Spanja, ku kombëtarja e Argjentinës po bën përgatitjet e fundit përpara se të nis fushatën finale të Kupës së Botës, ylli i Juventusit dhe kombëtares “Albiceleste” ka folur për atë që pret nga ky eveniment dhe për marrëdhënien e tij me “jashtëtokësorin” Lionel Messin.
“Një ditë u thashë miqve të mi se ëndrra ime ishte të luaja në Kupën e Botës për Argjentinën. Kupa e Botës është ajo që unë kam kërkuar gjithmonë dhe ajo për të cilën kam luftuar, ajo dëshirë është bërë një anekdotë që mund ta them sepse e kam kuptuar, por katër vjet më parë nuk mund të kisha imagjinuar të isha këtu.
“Messi? Leo ka qenë gjithmonë idhulli im. E kam admiruar gjithmonë dhe ende e admiroj për atë që bën, për atë që ai ka bërë dhe për atë që ai ndoshta do të bëjë.
“Ai është një lojtar i pabesueshëm, një që ju shikoni dhe përpiqeni të mësoni nga detajet më të vogla.
“Ne duam të arrijmë në finale, dhe për ta bërë këtë ju duhet të përballeni me ekipet më të mira. Brazili, Gjermania, Spanja apo Franca do të jenë ekipet që do mbërrijnë deri në fazat finale, pasi ata e kanë provuar për shumë vite “.-tha Dybala për “TyC Sports”.
Në Rusi 2018, kombëtarja argjentinase bën pjesë në Grupin D, sëbashku me Islandën, Marokun dhe Kroacinë.
