Trajneri i Iranit Carlos Queiroz mendon se ka shanse të dalë me pikë nga ndeshja me Spanjën.
“Ne kemi respekt për skuadrën spanjolle. Por do të sigurohem që edhe Spanja në fund të ndeshjes të ketë respekt për djemtë e mi,” shprehet trajneri portugez për gazetën Shargh.
“Spanja teknikisht është një skuadër fantastike, por edhe ata kanë nevojë ta fitojnë ndeshjen.
Pas fitores 1-0 ndaj Marokut, Irani ka marrë kryesimin e Grupit mbi Spanjën dhe Portugalinë. “Fitorja në ndeshjen e parë të botërorit është gjithmonë e rëndësishme dhe është si një ilaç qetësues,” vijon Queiroz.
“Kemi pasur shumë probleme në prag të botërorit, si me ndeshjet miqësore ashtu edhe me sponsorët si Nike. Por duhet të vazhdojmë të punojmë fort dhe energjinë negative ta kthejmë në pozitive.”